Situata politike në Maqedoni i ka rrënjët në Tiranë. Kështu shkruan portali informativ rus “Sputnik”, i cili akuzon kryeministrin Edi Rama se ka ndikuar tek partitë shqiptare për të rrëzuar Gruevskin.
Sipas gazetares Brankica Ristiç, Rama ka lobuar edhe tek ndërkombëtarët për Zoran Zaevin.
Nërsa sipas analistes Branka Gjeorgjeva, nëse lideri i LSDM-së nuk do t’i jepet mandate i kryeministrit, atëhere ekziston mundësia që një shqiptar të kandidohet në vend të tij.
“Dhe në fakt, e gjithë ajo që po ndodh në politikën maqedonase, i ka deri diku rrënjët në Tiranë. Sapo përfunduan zgjedhjet dhe dolën rezultatet, Rama thirri gjithë përfaqësuesit e spektrit politik shqiptar të Shkupit duke iu diktuar atyre hartimin e një platforme të përbashkët me disa pika kushtëzuese ndaj palës maqedonase.
Deri më tani kjo ka funksionuar suksesshëm. Faktori shqiptar e ka futur në ngërç faktorin maqedonas, pa qenë fare nevoja për të shkrehur armët si 16 vite ma parë”, shkruan Sputnik.
Ndërkohë vetëm pak orë më parë, Zaev kërkoi që presidenti Ivanov t’i dorëzojë mandatin, në të kundërt ai kërcënoi se do e gjejë vetë një zgjidhje. (D.D/Shuplaka)
