Pas deklaratave të kryeministrit Rama se nëse BE-ja nuk i hap dyert Shqipërisë dhe Kosovës ato do të bashkohen me njëra-tjetrën një varg deklaratash kundërshtuese kanë pasuar.
Serbia jo vetëm që i ka kërkuar BE-së që të mos i përkrah këto deklarata po ka vijuar më tej duke thënë se ideja për Shqipërinë e madhe mbështetet nga Turqia.
Portali serb “Sputnijk” shkruan se Turqia po tregon se sërish dëshiron të jetë faktor në Ballkan . Sipas këtij portali, Hashim Thaçi, dëshiron t’i shfrytëzojë marrëdhëniet e “ftohta” ndërmjet Turqisë e BE-së, që të fitojë në shpejtësi për realizimin e shtetësisë së Kosovës me kërcënimin se do të integrohet me Shqipërinë.
Portali serbe “Sputnijk” shkruan më tej se Turqia në rajonin e Ballkanit mban më shumë se 1.000 operativistë të përgatitur e të stërvitur në sektorin joqeveritar padron i të cilëve është bashkëshortja e Rexhep Taip Erdoganit, Emina, e cila ka krijuar një rrjet të organizatave të shumëllojshme që operojnë në këtë terren.
“Përmes OJQ-ve të ndryshme, bashkëshortja e Erdoganit, Emina, vepron në Kosovë, Bosnjë e Hercegovinë, Sanxhak, Shqipëri …”, thotë Galijasheviç për portalin “Sputnjik”, ekspert për terrorizëm.
Në fjalën e tij për “Sputnjik” eksperti për terrorizëm Xheva Galijasheviç vazhdon më tej duke thënë se: “Nuk ka dilemë se Hashim Thaçi idenë e Shqipërisë së madhe e shfrytëzon me Turqinë ashtu siç e shfrytëzon Turqia Kosovën që të hakmerret ndaj Bashkimit Europian”. (E.K/SHUPLAKA)
