Sikundër dhe herët e tjera ku nuk kanë ngurruar të sulmojnë Kosovën dhe Shqipërinë, mediat serbe këtë herë shkruajnë për një sulm të ri të shqiptarëve.
Në qendër të sulmeve është ish-presidentja e Kosovës, Atifete Jahjaga, e cila gjatë një qëndrimi së afërmi në Beograd, do të flasë për librin e kujtimeve që mbart rrëfimet e grave kosovare, të cilat i mbijetuan përdhunimit në luftën në Kosovë.
“Sulm i ri i shqiptarëve: Jahjaga përdhunon Serbinë në mes të Beogradit!”, është titulli në serben “Informer”. Në vijim të artikullit, shkruhet: “Ish-presidentja e shtetit të rremë të Kosovës, Atifete Jahjaga, në mes të Beogradit mban një fjalim në lidhje me atë se si serbët e organizuar kanë dhunuar gratë shqiptare?!”
Atifete Jahjaga është e ftuar në festivalin “Mirëdita, dobar dan”, i cili në Beograd do të mbahet nga 31 maji deri më 3 qershor, ku pritet edhe të flasë mbi promovimin e librit në fjalë.
(XH.A/SHUPLAKA)
Discussion about this post