Emri që do të marrë në dorë drejtimin e Kombëtares Shqiptare të futbollit vijon të mbetet një mister. Fillimisht u raportua se vendin e Panuçit do ta merrte Edy Reja, madje u përfolën dhe kushtet e kontratës, mirëpo sipas medieve italiane, nuk është arritur dot marrveshja me Dukën.
Sipas Sportitalia, negociatat për të sjellë Rejan në Shqipëri morën fund të dielën, ndërsa është bërë publik dhe tekniku tjetër Italian që shihet si favorit për stolin kuqezi.
Federata Shqiptare e Futbollit po bisedon me një tjetër teknik Italian që është Gigi De Canio, i cili u shkarkua nga Ternana në muajin janar të këtij viti, ndërsa më herët ka drejtuar dhe klubet si Napoli, Udinese, Genoa dhe QPR.
Discussion about this post