Pas më shumë se një muaj mund të themi padyshime që emri i ri i trajnerit të Kombëtares Shqiptare do të jetë ai i Christian Panuccit.
Edhe pse të gjitha mediat italiane buçasin nga lajmi FSHF ende nuk e ka zyrtarizuar emrin e tij në krye të stolit.
Gjithçka pritet të bëhet e ditur sot, ku do të mësohen dhe detajet e marrëveshjes. Dje FSHF pas lajmeve në mediat shqiptare për Panuccin, u shpreh se negociatat me kandidatët vijonin dhe se do të bëhesghin të ditura në orët në vazhdim.
Ndërkohë që në mediat italiane bëhet e ditur se akordi mes Dukës dhe italianit është arritur.
Në karrierën si futbollist, Panucci ka luajtur me klube me emër si Milan, Real Madrid, Inter dhe Roma, ndërsa si trajner, ka vetëm një eksperiencë si ndihmës i Fabio Capellos, në Botërorin e vitin 2014, me kombëtaren Ruse. Kombëtarja shqiptare do të jetë eksperienca e parë e Panuccit si trajner i parë.
Sot pritet që Panuçi të mbërrijë në Tiranë, ku FSHF do të bëjë zyrtarizimin e tij si trajnerin e ri të Kombëtares Shqiptare. (E.K/SHUPLAKA)
[ngg_images source=”galleries” container_ids=”2440″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
