Pas megaoperacionit i cili u zhvillua gjatë ditës së sotme në gjithë territorin e vendit nga Policia në koordinim me Prokurorinë e Krimeve të Rënda për goditjen e një grupi kriminal prej 36 personash të cilët merreshin kryesisht me trafikimin e klandestinëve, ka reaguar edhe ministri i Brendshëm, Sandër Lleshaj.
Lleshaj u shpreh se kjo ishte një tjetër goditje ndaj krimimit të organizuar, duke deklaruar se lufta kundër tij është një mision në shërbim të së ardhmes.
“Trafikantët mashtrojnë qytetarët, minojnë lirinë e lëvizjes e të ardhmen tonë europiane”, – shkruan Lleshaj në Twitter.
Kujtojmë se, gjatë operacionit të ditës së sotme të Policisë i quajtur “Rruga e gabuar”, i cili u zhvillua paralelisht në të gjithë territorin e vendit ka goditur një grup kriminal prej 36 personash të cilët dyshohet se trafikonin klandestinë.
Sipas njoftimit të Policisë janë arrestuar 32 shtetas shqiptarë, mes tyre edhe një punonjës policie, si dhe janë shpallur në kërkim 4 shtetas të tjerë. Nga të arrestuarit 6 prej tyre me masë sigurie “Arrest shtëpie”.
Statusi i plotë:
Tjetër goditje e fortë kundër krimit të organizuar. Trafikantët mashtrojnë qytetarët, minojnë lirinë e lëvizjes e të ardhmen tonë europiane. Lufta kundër krimit të organizuar, mision në shërbim të së ardhmes.
Tjetër goditje e fortë kundër krimit të organizuar. Trafikantët mashtrojnë qytetarët, minojnë lirinë e lëvizjes e të ardhmen tonë europiane. Lufta kundër krimit të organizuar, mision në shërbim të së ardhmes. ??♂️???https://t.co/pWbXRZ07dH
— Sandër Lleshaj (@SanderLleshaj) February 2, 2019
(F.GJ/FAXWEB.AL)
