Gazetari Armir Mehaj dhe këngëtari Fran Gjoka e mbajtën fjalën! Para pak javësh ata deklaruan se janë bërë bashkë, për të ndihmuar me ushqime e lodra për fëmijët familjet e varfra në Pukë dhe Fushë Arrëz, ndërsa sot dhanë provën e parë që ata ia dolën.
Nëpërmjet një postimi në rrjetet sociale, gazetari bën me dije se shpërndarja e ndihmave në Pukë ka nisur, dhe deri tani janë ndihmuar 9 familjet më të varfra të zonës.
“Kontributi në ndihmë të familjeve të varfra dhuruar nga z. Fran Gjoka sot mbërriti në Qelëz, ku u ndihmuan 9 familjet më të varfra të zonës. Falenderojmë kryebashkiakun e Pukës z. Gjon Gjonaj dhe drejtorin e Shërbimit Spitalor z. Enver Sulejmani që na ka ndihmuar për transportin. Gjatë shpërndarjes së ndihmave prezent ishte edhe Administratori i Qelzës.”, shkruan Mehaj.
Në një intervistë për ”Shuplaka”-n të dy javëve më parë, Mehaj ka rrëfyer se këngëtari Gjokaj ka kontribuar nga buxheti i tij personal plot 30 mijë dollarë.
E gjithë kjo nismë është ndërmarrë nga ata, me qëllim që edhe ata që s’kanë mundësi ekonomike, të arrijnë t’i gëzojnë festat si gjithë të tjerët.
Në profilin e tij në Facebook, gazetari i njohur ka publikuar edhe disa foto, në të cilat shihen qartë ndihmat e dhuruara por edhe disa lot gëzimi. (D.D/Shuplaka)
[ngg_images source=”galleries” container_ids=”319″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
Discussion about this post