Që me arsimin në Shqipëri është bërë rrumpallë prej vitesh, kjo tashmë dihet. Që nga Reforma, te mësuesit jashtë profilit, e të tjera si këto.
Ka qenë deputeti demokrat Luçiano Boçi ai që ka denoncuar një rast abuzimi me nxënësit e shkollave në Tiranë.
Shkaktuar prej një pyetësori të formuluar pa kurrfarë vëmendjeje nga Ministria e Arsimit lidhur me ngacmimet dhe dhunën ndaj nxënësve dhe që e ka bërë atë vetë si pedagog dhe prind, të ngrejë pyetjen: “Pyetësor apo …?!”
Që në fillim të bie në sy mënyra sesi janë shkruar fjalët, ngjitur me njëra-tjetrën dhe më andej përmbajtja e tyre.
“DAR Qarku Tiranë, ka shpërndarë nga dje një pyetësor për nxënësit e klasave 6-9. Përpos që gjuhësisht është me gabime skandaloze (fjalë të bashkuara), ai pëmban pyetje që kanë sjellë reagimin e fortë të prindërve.
Shumë prej pyetjeve të renditura duhet të bëhen vetëm me praninë e psikologut ose të prindit dhe vetëm individualisht e jo me shkrim e kolektivisht në klasë.
Por kjo nuk ka penguar formuluesit, duke i vënë kështu nxënësit në një situatë aspak të lehtë dhe jo pa pasoja në mënyrën se si do ta shohin shkollën pas kësaj.
Ndërkohë nuk është e qartë nëse këtë e ka orientuar vetë Ministria apo është iniciativë e DAR Tiranë!?”, shkruan deputeti demokrat.
(E.K/FAXWEB)
Discussion about this post