Ambjentalisti Sazan Guri ka qenë i ftuar në ‘’Fax News” për të folur në lidhje me mëkatet e Bashkisë së Tiranës. Duke iu referuar ndërtimeve me mbi 40 kate në qytet, Guri u shpreh se këto po i zënë frymën qytetit.
Ai u shpreh se për të justifikuar ndërtimet e shumta, Veliaj po hedh në publik tezën se deri në vitin 2025 Tirana do të shkojë në 1.9 milionë banorë, gjë që nuk është e vërtetë sipas tij.
“Bashkia e Tiranës nga njëra anë shpall nismën për mbjelljen e pemëve të reja dhe nga ana tjetër shkatërron hapësirat e gjelbërta ekzistuese duke ndërtuar pallate. Ka dhjetra ndërtime që janë më shumë se 40 katëshe.
Janë ndërtime që i zënë frymën këtij qyteti. Tirana vete 1.9 milionë banorë në 2025, kjo është shifra fiktive që jep kreu i Bashkisë për të shtuar ndërtimet, ne e kemi studiuar, dhe nuk do të ketë një rritje me më shumë se 150 mijë-200 mijë.
Ka zona të tëra të Tiranës që mund të shfrytëzohen, po jo shqiptarët duan që të vijnë në Tiranë dhe të jetojnë në qendër.
Ky është një kryebashkiak që nuk flet me ne, nuk është i hapur. Ne pjesa e ekspertizës nuk jemi pak, jemi shumë. Shumë qytetarë na kërkojnë ndihmë, ajde në protestë në lidhje me x pallat që ndërtohen në zona të ndryshme. Ne fjalën tonë e kemi thënë, qytetarët hanin kaposhin. Tani tava doli nga furra.
Ne kemi që në 2004 që kemi dalë kundër, nga qeveria Nano e deri te qeveritë që janë tani. Në momentin që ka qenë Parku i Tiranës këta shpikën një mekanizëm, gjetën 30 veta të Mjaftit dhe G99-tës që bënin sikur protestonin.
Këta janë ata që merrnin projekte, nuk mbaj mend që në një nga kauzat e mija të kem marrë një lekë apo një projekt. Kurrë një kokërr leku, nga nismat për të cilat kam dalë kundër”, u shpreh Guri.
(E.K/Faxweb)
Discussion about this post