Në një skenë të pazakontë, ndërkohë që e gjitha bota kishte sytë nga ata, presidenti amerikan hodhi një top në drejtimin të Melanisë. Pas përfundimit të Botërorit 2018, që organizohej në Rusi, Putin e “prezantoi” Trumpin me futbollin.
E kemi fjalën për topin që presidenti i Rusisë i dhuroi Trumpit, i cili menjëherë e dorëzoi te bashkëshortja e tij, Melania, në mënyrën më qesharake të mundshme.
Ndërkohë mësohet që dhurata e liderit rus, vuri në lëvizje sigurinë amerikane, duke detyruar një agjent të Shërbimëve Sekrete ta kalojë topin përmes një skaneri.
Ka qenë Bill Neely, korrenspodenti amerikan i NBC News, i cili përmes një postimi në Twitter arriti të zbulojë “incidentin” e vogël që shkaktoi topi. “Sapo pashë një agjent të shërbimëve sekrete të skanojë topin e Putin, jashtë konferencës. Madje ai nuk qeshi, kur unë bëra shaka për të”, u shpreh ai.
