Mesfushori i Kombëtares Shqiptare dhe lojtari i Pescarës, Ledian Memushaj ka folur për herë të parë pas lajmit tragjik për humbjen e dy binjakëve gjatë shtatzënisë së bashkëshortes së tij. Ky ka qenë një lajm i trishtë jo vetëm për familjen e lojtarit po për të gjithë tifozët që e mbështesin futbollistin. Ai ka falënderuar tifozët për mbështjetjen.
“Në një moment kaq të vështirë për familjen time. Ju falënderoj, të gjithëve për mbështetjen. Përshëndetje për të gjithë”- ka shkruar Memushaj në ‘Facebook’
Kur ishte gati për të hyrë në fushë për të luajtur kundër Lazios, Memushaj ka marrë një lajm të rëndë. Bashkëshortja e tij që ishte shtatzënë me dy binjakë, kishte humbur dy fëmijët.
Pasi ka marrë lajmin e rëndë, Memushaj ka kërkuar që të largohet nga klubi, për t’i qëndruar pranë bashkëshortes së tij dhe familjes, që ka humbur dy fëmijët, të cilët do të lindnin brenda pak muajsh.
Pas kësaj ngjarje të rëndë, i gjithë klubi i Pescarës dhe futbolli italian i është gjetur pranë futbollistit të kombëtares së Shqipërisë. (E.K/SHUPLAKA)
