Është ndarë nga jeta në moshën 76-vjeçare fizikanti i njohur Stephen Hawking.
Idetë e tij shkencore sot udhëheqin kërkimet në fushën më të panjohur të fizikës, gravitacionin kuantik, vrimat e zeza, origjinën e Universit.
Po ndonëse ishte një nga mendjet më të zgjuara, pasues i denjë i Ajshtajnit, ka një fushë që për të mbeti gjithnjë mister, gratë. “Gratë. Ata janë një mister i plotë “, ka thënë fizikanti.
Stephen ka shkruar tre nga librat më të shitur të kohëve modern, ndërsa ka marrë një sërë çmimesh të rëndësishme ndërkombëtare.
I pyetur pak kohë më parë se çfarë do të studionte nëse do të ishte një fizikant i ri ai shprehej se patjetër do të hapte një fushë të re studimesh.
Ai ishte drejtor i studimeve në Departamentin e Matematikës së Aplikuar dhe Fizikës Teorike në Universitetin e Cambridge, ku gjithashtu themeloi Qendrën për Kozmologji Teorike (CTC)
Ai ndërroi jetë paqësisht në shtëpinë e tij në Kembrixh në orët e para të mëngjesit të sotëm, ndërsa ka qenë familja e tij ajo që ka dhënë lajmin.
“Ne jemi të pikëlluar që babai ynë i dashur vdiq sot. Ai ishte një shkencëtar i madh dhe një njeri i jashtëzakonshëm, puna dhe trashëgimia e të cilit do të jetojë për shumë vite. Ai dikur tha: ‘Nuk do të ishte një univers nëse ai nuk ishte shtëpia e njerëzve që duam. Ne do të na mungojë shumë”, u shprehën tre fëmijët e tij.
Në moshën 22-vjeçare, Prof Haëkingut iu dhanë vetëm disa vite për të jetuar pasi u diagnostikua me një formë të rrallë të sëmundjes Amyotrophe Lateralsklerose e cila i rrezikonte edhe jetën.
Sëmundja e la atë në një karrige me rrota dhe në masë të madhe nuk mund të fliste përveçse përmes një sintetizuesi zëri.
Prof Hawking ishte i pari që përcaktoi një teori të kozmologjisë si një bashkim relativiteti dhe mekanikës kuantike.
(E.K/FAXWEB)
Discussion about this post