Në çdo sezon vere një nga shqetësimet më të mëdha të turistëve në jug të vendit janë çmimet e kripura që shpeshherë nuk e justifikojnë shërbimin.
Dreka që kapin shifra me disa zero, kafe që kushtojnë sa për tre në Tiranë, apo shërbim ‘’tangërlliks’’ i kamarierëve.
Së fundi ka qenë gazetari Juxhin Mustafaraj ai që ka postuar foton e një fature që ka marrë sot në Livadh, ku për shkak të motit të paqendrueshëm, sipas tij bizneset kanë rritur çmimin dhe të kafeve, duke bërë që një e tillë të kushtojë 1 mijë e 800 lekë të vjetra.
Dhe sikur të mos mjaftonte kjo është shumë e qartë që fatura nuk është info tatimore, duke bërë që bizneset t’iu shmangen detyrimeve që duhet të kenë ndaj shtetit.
Reagimi i gazetarit:
Mengjes “Livadhian”
Mungesen e turisteve per shkak te motit te paqendruesshem,bizneset ne jug kane vendosur ta kompesojne me cmime jashte cdo logjike normale.
Nje kafe ne Livadh sot kushton 180 leke. S’mund ta quash dot as turizem elitar kete sherbim kur ste ofron as miresjellje ne kembim te parave qe paguan. A ka ndonje inspektor tatimor per keto lloj faturash “Jo tatimore” ?
Duhet thënë se edhe pse Hetimi Tatimor ka psur një sërë aksionesh në bizneset në jug të vendit, shumë prej tyre ende operojnë me dy balance, dhe me çmime të kripura.
Fatura e publikuar:
(E.K/FAXWEB.AL)
