Kryetari i Bashkisë së Tiranës, Erion Veliaj, ishte së fundmi i pranishëm në Forumin e të Moshuarve, ku foli për rëndësinë e familjes.
Ai apeloi që të moshuarve t’u sigurohet kujdesi nga fëmijët apo nipërit e tyre. Kryebashkiaku u shpreh se në ndryshim nga ekonomia që ka bërë progres, familja ka bërë regres, pasi ka humbur njerzillëku.
“Puna më e vështirë, ndryshimi i mentalitetit. Braktisja e prindërve dhe gjyshërve ësht jo normale, ne ngrica njëherë në 30 vjet kemi, por çfarë po ndodh? A mos kemi ngrica vetë ne , nuk kemi veshë sy që ti shohim ata?
I shërbejmë rreth 5.000 të moshuarve në Tiranë. Është jashtë fuqive tona të ndalojmë këtë rritje demokratike, nuk e ndryshojmë dot këtë realitet, s’e mohojmë dot që 76% e bizneseve të huaja janë të përqëndruara në Tiranë. Por jeto ku të duash, një herë në vit mund të vish e të vizitosh prindërit e tu.
Është shumë i rëndësishme roli që ka familja. Organizatat bamirëse e kanë rolin e tyre, por fëmijët duhet të mbajnë përgjegjësi. Ekonomia ka bërë progress, por familja jonë ka bërë regres, ka humbur njerzillëku.
Futja e pensionit social është i jashtëzakonshëm. Nëse doni të kontribuoni për gjyshërit tuaj, paguani sigurimet shoqërore. E vetmja mundësi që qeveria të rrisë pensionet, është që të rinjtë të zbatojnë ligjin.”, u shpreh ndër të tjera Veliaj.
(XH.A/SHUPLAKA)
Discussion about this post