Pas mbledhjes në Kryesinë e Kuvendit, kryetarja e LSI-së Monika Kryemadhi është shprehur se nuk ka nevojë për asnjë mbrojtje. Sipas saj mbrojtja më e mirë është betimi që ata kanë bërë përpara qytetarëve.
“Mbrojtja është shumë e thjeshtë jo vetëm morale por edhe ligjore.Deputetët në Kuvend kanë bërë një vbetim që do të mbrojnë popullin dhe qytetarët. Veprimi ynë ka qenë i thjeshtë, në mbrojtje të Kushtetutës, me të cilën është abuzuar shumë në gjithë këto vite.
Sa i përket çizmes meqë e kanë merak të madh, dhe u përmedn edhe aty brenda Byrosë, që mu duk si byroja e partisë. Mund të them që çizmja është një simbol paralajmërues për këtë shtet që po kërkojnë të vendosin në Shqipëri. Nuk mëe shqetëson asgjë përveç varfërisë ku po shkojnë shqiptarët. Sa më të varfër të jenë shqiptarët, aq më të lehtë e ka Edi Rama nënshtrimin e tyre.
Ndaj luftës kundër drogës ne nbuk do të ndalemi. Nuk ka frikë nga drejtësia as Kejdi Mehmetaj dhe as Floida Kërpaçi. Frikë duhet të ketë ai që është në pushtet nga viti 1998, se e kanë harruar shqiptarët që në zyrat e Prokurorisë flenë dosjet e ministrisë së kulturës në atë kohë”, u shpreh Kryemadhi në dalje të Kryesisë së Kuvendit.
(E.K/FAXWEB)
Discussion about this post