Profesori i njohur dhe ish-deputeti i PD, Mark Marku i ftuar në rubrikën “Opinion” tha se një parlament pa opozitën nuk mund të konsiderohet normal. Sipaj tij e vetmja mënyrë që Rama të tregojë që e do Shqipërinë e Vetting-un është të japë dorëheqjen e të pranojë kushtet e PD.
“Jeta politike karakterizohet nga dialogu. Një parlament është më mirë të jetë në këtë gjendje që është, se sa të funksiojnojë si parlament fiktiv që nuk funksion si duhet. Opozita bën mirë që nuk shkon atje. Meqë mazhoranca thotë se e ka përzemër Vettingun, meqë thonë që e duan Shqipërinë, le të japë dorëheqjen Rama” tha ai.
Ai përgëzoi kryetarin e Partisë Demokratike, Basha për protestën dhe tezat e ngritura prej tij për atë që ku i fundit e quan “Republika e Re”.
Marku tha se nuk sheh asnjë arsye që Basha të tërhiqet nga rruga që ka nisur dhe theksoi se nëse PD vazhdon në këtë mënyrë, atëherë do të jetë një parti tjetër pasi ka tejkaluar vetveten, dhe po bëhet një parti që shkon drejt shoqërisë.
“Të gjithë qytetarët shqiptarë thonë se sistemi politik në Shqipëri ka ezauruar vetveten. Kryetari i opozitës ka hedhur disa teza të reja. Republika e Re nuk bëhet përnjëherë, do kohë. Por më duket ide themelore për të kaluar stanjacionin e politikës së përditshme shqiptare,” përfundoi Marku.
(M.D/ Shuplaka)
Discussion about this post