Astrologia Meri Shehu ishte e ftuar pasditen e sotme në emisionin “Rudina”, për të dhënë parashikimin e horoskopit për muajin maj.
Sipas astrologes, muaji maj do të jetë plot konfuzion për disa shenja, ndërsa do të zbulohen edhe lidhje të fshehta.
Dashi
Personat në shenjën e Dashit do të ndihen të frenuar në ecurinë dhe veprimtarinë e tyre gjatë këtij muaji. Në çështjet ligjore, pune dhe karriere do të fillojnë pengesat, pasi do të rishikohen gabimet që mund të kenë bërë.
Demi
Personat në shenjën e Demit këtë muaj do të kenë probleme me paratë. Përsa i përket çështjeve të dashurisë, do kenë lidhje të fshehta që mund të sjellin probleme në çift.
Binjakët
Personat në shenjën e Binjakëve do të arrijnë të dalin nga një situatë e mërzitshme për shkak të komunikimit dhe marrëdhënieve me persona të tjerë. Këtë muaj, ata do të marrin energji pozitive dhe do të arrijnë të gjejnë zgjidhje për problemet e tyre.
Gaforrja
Personat në shenjën e Gaforres do të kenë një moment furtune, ndaj duhet të veprojnë me strategji për të fituar para. Në dashuri mund të kenë krisje ose ndarje.
Luani
Këtë muaj, personat në shenjën e Luanit do të merren me ligjin, me rregullat në punë, ku do të kenë lodhje. Gjithashtu do të bëjnë njohje të mira në dashuri. Por nuk duhet të futen në marrëdhënie të tjera nga mesi i majit e tutje.
Virgjëresha
E kaluara do të rikthehet në mendjen e personave në shenjën e Virgjëreshës. Do t’ju jepet mundësia të përfundoni një projekt të parealizuar. Në dashuri do të celebroni një marrëdhënie. Kujdes që këto deklarime të mos bëhen pas mesit të muajit.
Peshorja
Personat në shenjën e Peshores do të marrin një lajm të mirë ekonomik, ligjor ose bashkëpunime me jashtë. Në jetën personale, do të lidhen me dikë që jeton jashtë. Nuk duhet të marrin vendime për shpenzime apo udhëtime.
Akrepi
Personat në shenjën e Akrepit do të merren me projekte të rëndësishme. Pas mesit të muajit fillojnë ngatërresat. Në dashuri do jenë të konfuzuar nga njerëz që kthehen nga e kaluara. Në datë 9, me hënën e plotë, do të jenë shumë pasionatë.
Shigjetari
Personat në shenjën e Shigjetarit do të kenë një kthim mbrapa në mënyrën sesi e kanë menaxhuar ekonominë. Do të luftojnë shumë në çështjet ekonomike. Do të kenë kontrata dhe propozime. Megjithatë duhet të kenë kujdes në firmosje kontratash sepse mund të rezultojë e gabuar. Në dashuri duhet të bëjnë kujdes nga njerëzit interesaxhinj.
Bricjapi
Personat në shenjën e Bricjapit do të kthehen mbrapa në projekte, në çështje ligjore. Ka një lajm të mirë në ekonomi sepse do t’u hapet puna. Mund të kenë dypunësime, por një njohje në punë mund t’i ngatërrojë punët.
Ujori
Personat në shenjën e Ujorit do të çlirohen nga ajo pak liri që do të marrin. Do të dhurojnë dhe do të marrin shumë dashuri. Në çështjet e teknologjisë dhe shkencës do t[ bëhen disa kthime mbrapa që do ndikojnë edhe tek ta.
Peshqit
Për personat në shenjën e Peshqve do të fillojnë probleme, keqkuptime me të afërmit, probleme në marrëdhëniet erotike. Në çështjet e tyre ekonomike do të fillojnë komplikimet.
Discussion about this post