Kukësi ka afruar një futbollist të rëndësishëm pa filluar akoma merkatoja e janarit. Verilindorët kanë prezantuar ditën e sotme përforcimin më të ri në ekip në krahun e majtë të mbrojtjes, Simon Rrumbullakun. 
Trajneri Ernest Gjoka, pranoi pubklikisht pak javë më parë se do të bëhej transferimi i 24-vjeçarit tek nënkampionët.
Rrumbullaku së fundmi ka luajtur për Apollon Smirna në Greqi, ndërsa tashmë është zyrtarizuar tek blutë e Gjokës. 
“Jam shumë i lumtur që jam bërë pjesë e klubit të Kukësit. Kjo është një mundësi e mirë për mua dhe dua të dal kampion. Do të bëj më të mirën për këtë klub dhe e falënderoj presidentin Safet Gjici për këtë mundësi.Besoj se do të përshtatem shpejt me ekipin e Kukësit dhe më ndihmon edhe fakti që jam afruar me ekipin dhe do të zhvilloj edhe fazën përgatitore. U ktheva në Shqipëri për të dalë kampion dhe do të gjej një ambient mjaft të mirë këtu. E kam ndjekur futbollin shqiptar dhe them se ka rritur shumë në nivel. Synoj titullin kampion, kupën dhe sigurisht pjesëmarrjet në Europë”, tha Rrumbullaku në prezantimin e tij para mediave.
Merkato/ Kukësi prezanton blerjen e re, ja kush është lojtari që firmosi sot
