Kancelarja gjermane, Angela Merkel iu ka bërë thirrje zyrtarëve që merren me migracionin që të shpejtojnë deportimin e personave të cilëve u është hedhur poshtë kërkesa për azil.
“Nga përvoja e dimë se autoritetet mund të vendosin shumë më shpejtë nëse një azil kërkues mund të qëndrojë në Gjermani dhe nëse vendet e tyre të origjinës janë mjaft të sigurta për tu kthyer”, shprehet Merkel.
Që pas sulmit terrorist të 19 dhjetorit në një treg të Krishtlindjeve në Berlin, Gjermania ka rritur numrin e deportimeve dhe kthimeve vullnetare të njerëzve të cilëve u është refuzuar kërkesa për azil.
Autoritetet gjermane dyshojnë se edhe sulmuesi bënte pjesë në listën e refugjatëve të cilëve u është refuzuar kërkesa.
Por, Gjermania nuk ka arritur ta kthejë në vendlindje tunizianin, pasi vendi i tij i origjinës ka refuzuar ta njohë si shtetasin e tij.
Discussion about this post