Kancelarja gjermane Angela Merkel dhe presidenti francez Emmanuel Macron kanë dënuan testin e fundit bërthamorn nga Koreja e Veriut.
Me anë të një deklarate Merkel dhe Macron shprehen se ky është një “dimension i ri i provokimit”.
Qeveria gjermane tha në një deklaratë se Merkel dhe Macron pranuan se Koreja e Veriut po shkel ligjin ndërkombëtar dhe se bashkësia ndërkombëtare duhet të reagojë me vendosmëri.
“Përveç Këshillit të Sigurimit të Kombeve të Bashkuara, Bashkimi Evropian gjithashtu duhet të veprojë tashmë. Kancelarja dhe Presidenti shprehën mbështetjen e tyre për një shtrëngim të sanksioneve të BE kundër Koresë së Veriut “, thoshte deklarata.
Ndërkohë testin bërthamor e dënoi edhe presidenti i Shteteve të Bashkuara Donald Trump duke thënë se “fjalët dhe veprimet e Koresë së Veriut vazhdojnë të jenë shumë të rrezikshme për SHBA-në”.
(S.SH/Shuplaka)
