Kancelarja gjermane Angela Merkel fajëson Iranin dhe Rusinë për vdekjen e civilëve në Aleppo dhe u ka kërkuar atyre të mbajnë përgjegjësi.
Sipas prestigjiozes gjermane “Die Zeit”, Merkel është shprehur se këto krime duhet të ndëshkohen.
“Diskutimi rreth ngjarjeve të fundit në Aleppo është tejet trishtues. Është për t’u turpëruar që në shekullin e 21-të ndodhin ngjarje të tilla, që të thyejnë zemrën. Fatkeqësi të tilla s’mund t’i zgjidhim vetëm politikisht, siç do vepronim me gjithë dëshirë,”- është shprehur kancelarja gjermane.
Ndër të tjera, ajo shtoi se do përdorë të gjitha mjetet e mundshme diplomatike për t’u ardhur në ndihmë sirianëve.
Dy ditë më parë, në Aleppo u prish marrëveshja për të ndërprerë luftën përkohësisht sa të bëhej evakuimi i banorëve të bllokuar, kur kryengritësit sulmuan civilët.
