Mero Baze i publikon Ervin Salianjit foton e vëllait nga nëna, i dënuar më parë në Itali (Fotot)

Ish-deputeti i PD Ervin Salianji ka debatuar ashpër me gazetarin Lorenc Vangjelin mbrëmë në emisionin Opinion. Gjatë emisionit gazetari Vangjeli e pyet Salianjin nëse ka një vëlla të dënuar në Itali i cili ka ndryshuar emrin.

Ish-deputeti e ka mohuar këtë fakt, por më pas gjatë bisedës ka qenë i axhituar dhe mjaft i ashpër dhe  ka kërcënuar Vagjelin.

Sipas verifikimeve të kryera nga gazeta Tema, në gjendjen civile të ish-komunës Lozhan, rezulton që në të vërtetë Salianji ka një vëlla nga ana e nënës.

Në të dhënat zyrtare personi në fljalë është Alex Kacani i lindur në Lozhan më 1979 nga martesa e parë e nënës së Salianit, Znj.Shega me Bedri Xhengon.

Më pas ajo është martuar me Bujar Salianjin dhe ka dy djem, një prej të cilëve Ervini.

Emri i vërtetë i Alex Kacani është Klodian Xhengo ku për shkak të problemeve me drejtësinë në Europë ka ndryshuar gjeneralitetet.

Alex Kacani ka qenë punonjës në Bashkinë e Tiranës gjatë kohës kur Lulzim Basha ka qenë kryetar i saj.

Salianji e ka mohuar të ketë një vëlla apo një tjetër të afërm jashtë shtetit që ka probleme me drejtësinë.