Tirana është gati për festat e fundvitit. Kryeqyteti shqiptar është zbukuruar në rrugët dhe sheshet kryesore të saj dhe pret tashmë Krishtlindjet dhe Vitin e Ri.
Kryetari i Bashkisë, Erion Veliaj, ka postuar një video në rrjetet sociale, ku kërkon pak sekonda kohë nga qytetarët për të parë se si ka ndryshuar Tirana në këtë muaj festash.
“Merr 55 sekonda dhe shih sa bukur është stolisur Tirana këtë muaj festash. Pas një viti të ngarkuar koha të bëhemi bashkë si një familje e madhe”, shkruan kryebashkiaku Erion Veliaj në Facebook.
