Ditën e sotme në ambjentet përpara parkut ‘’Rinia” do të zxhvillohet një protestë paqësore nga ana e aktivistëve të shoqërisë civile.
Përmes një organizimi në rrjetet sociale dhe jo vetëm një sërë qytetarësh kanë konfirmuar pjesëmarrjen në protestën e sotme. Arsyet pse qytetarët thonë se do të dalin në këtë protestë janë të shumta, marrë shkas sidomos nga situata e fundit e protestave në Kukës.
Një prej çështjeve që do të jetë pjesë e kësaj proteste është edhe lirimi i 11 qytetarëve kukasianë, që mbahen në burg pas protestës për tarifën për ‘’Rrugën e Kombit”.
‘’Sot është një ditë e bukur për të protestuar! Merr familjen, miqtë e komshinjtë nga dora dhe shihemi në 12:00 te Parku Rinia!”, thuhet në njoftimin e organizatorëve.
Sakaq është marrë dhe leja nga Policia, në mënyrë që protesta të jetë konfort rregullave të shtetit. Shoqëria civile është distancuar nga forma e mosbindjes civile të propozuar nga ana e opozitës, që nga ana e saj pritet të zbresë sërish në rrugë të martën.
(E.K/FAXWEB.AL)
