Merr flakë një automjet në ecje te mbikalimi i Panajasë, shkak një shkëndije elektrike (FOTO)

Një automjet është përfshirë nfa fkalët në autostradën Vlorë- Fier, tek mbikalimi i Panajasë, makina është djegur plotësisht mjeti tip “Mercedes Benz” ka qenë në lëvizje.

Mjeti i përket shtetasit N.R., 33 vjeç, banues në Tiranë. Ndërkohë mësohet se dhe nga përfshirja e automjetit në flakë nuk ka persona të lënduar.

Sipas policisë dyshohet se automjeti ka marrë flakë si pasojë e një shkëndije elektrike.

NJOFTIMI I POLICISË:

⁠⁠⁠⁠⁠Vlorë

Informacion paraprak

Më datën 30.08.2017, rreth orës 20:20, në Sallën Operative të D.P.Vlorë ka ardhur një telefonatë se në autostradën Vlorë- Fier, tek mbikalimi i Panajasë, është djegur plotësisht një mjet tip “Mercedes Benz”, i cili ka qenë në lëvizje.

Policia ka shkuar në vendngjarje dhe nga verifikimi paraprak ka rezultuar se mjeti i përket shtetasit N.R., 33 vjeç, banues në Tiranë.

Nga përfshirja e automjetit në flakë nuk ka persona të lënduar.

Dyshohet se automjeti ka marrë flakë si pasojë e një shkëndije elektrike.

Grupi hetimor po punon për zbardhjen e plotë të rrethanave të ngjarjes.

(S.SH/Shuplaka)