Meteorologia Adiola Bani, ka folur për Fax Neës në lidhje me situatën klimatike në vend dhe me atë çfarë pritet të ndodh në ditët në vijim.
Bani tha se duke filluar nga pasditja e sotme kushtet atmosferike do të vijnë duke u kthjelluar ndërsa deri të enjtën kur do të ketë reshje të izoluara lokale, situata do të paraqitet e kthjellët dhe me temperatura konstante.
Pas kësaj dite, Bani tha se temperaturat do të vijnë në rritje ku në fund të muajit shtator do të kapin edhe vlerën e 31 gradë. Ndërsa kjo do të vijojë tha ajo deri në mesin e muajit tetor.
“Duke filluar nga mesdita e sotme kemi pasur një përmirësim të kushteve atmosferike në gjithë territorin me reshje më të pakta dhe vranësirat do të zhvendosen në zonat lindore. Deri në orët e pasditës do të kemi një kthjellim. Mbrëmjen e sotme dhe ditën e nesërme nuk do të kemi reshje në asnjë pjesë të territorit. Temperaturat kanë shënuar rënie të lehtë mesditën e sotme me jo më shumë se 28 gradë, edhe dita e mërkurë dhe e enjte do të ketë të njëjtat temperatura. Të enjten pasdite do të ketë reshje lokale dhe kalimtare. Muaji shtator pritet të mbyllet me mot të kthjellët dhe rritje graduale ku gjatë fundjavës do të shkojnë deri në 31 gradë. Duke filluar nga dita e sotme duhet të qëndrojmë të qetë pasi reshjet me intensitet janë larguar.
Pjesa e parë e muajit tetor do të paraqitet me muaj të kthjellët dhe pjesa e dytë do të ketë shpeshtim të reshjeve dhe plotësim të kuotave mujore të sasisë së reshjeve”, tha Bani.
https://www.facebook.com/faxweb.al/videos/950292225324556/
(F.GJ/FAXWEB.AL)
Discussion about this post