Merr fund pritja, dalin sot përgjigjet e Llotarisë Amerikane, si ta zbuloni nëse jeni fitues

Pas shtyrjes që iu bë përgjigjeve të lotarisë amerikane, gjatë ditës së sotme të gjithë aplikuesit mund të njihen me rezultatet.

Duke filluar nga pasditja e sotme për të parë nëse janë përzgjedhur, të regjistruarit e DV-2020 do të kenë mundësinë të përdorin numrin e tyre unik të konfirmimit të dhënë në regjistrimin duke kontrolluar në formatin on-line “Kontrollin e Statusit të të Regjistruarve” në faqen zyrtare të E-DV-së.

Ashtu sic ndodh cdo vit tashme, Kontrolli i Statusit të të Regjistruarve do të informojë pjesëmarrësit e përzgjedhur, për mënyrën se si do të aplikojnë për veten e tyre si dhe për anëtarët e tyre të familjes. Qytetarët të cilët janë përzgjedhur do të mësojnë edhe datën e intervistës për vizë duke hyrë dhe lexuar tek Kontrolli i Statusit të të Regjistruarve.

Pasditen e kësaj të shtune rreth orës 18:00, të gjithë qytetarët do mund të njihen me faktin nëse janë fitues apo jo të “Green Card” apo siç njihet ndryshe si lotaria amerikane. Për të kontrolluar përgjigjet ju duhet të klikoni https://dvprogram.state.gov/