Ditën e nesërme kryeministri Rama pritet që ti japë fund pritjes së gjatë të Vangjush Dakos dhe jo vetëm për emrin që do të kandidojë në Bashkinë e Durrësit.
Rama ka planifikuar që të mbajë një takim në këtë qytet në kuadër të turit ”Bashkia që Duam” ku dhe do të zbulojë dhe emrin e kandidatit për një nga Bashkitë më të mëdha në vend.
Burime për Faxweb bëjnë me dije se në rast se nuk kandidon Dako, i cili e ka ambicie një mandat të 4-tërt, lakohet si favorit Spartak Kovaçi, aktualisht drejtor i Ujësjellësit në qytetin bregdetar.
Ndërkohë që në Shijak është favorit kryesor Ilir Ndrazhi, aktualisht deputet në Kuvendin e Shqipërisë, ndërsa në Krujë pritet që të rikandidohet Artur Bushi.
Në Shijak ka një konflikt në fakt, pasi kryetari aktual, Ardian Kokomani, ka shprehur ambicien për një rikandidim, nën moton e vijimësisë së projekteve të nisura në mandatin e parë, ndërsa Ndrazhi, pritet të lërë mandatin e deputetit.
Kujtojmë se në Kongresin e mbajtur nga PS në 23 Mars nuk u artikulua asgjë për fatin e Bashkisë së Durrësit, ndërsa Rama zyrtarizoi 7 kandidatë, një pjesë e tyre të rikonfirmuar. (LEXO KETU)
Kandidatët e konfirmuar nga PS:
Kryetari i Bashkisë Fier Armando Subashi (rikonfirmohet)
Kryetari i Bashkisë Korçë Sotiraq Filo (rikonfirmohet)
Deputeti i Lezhës Pjerin Ndreu (kandidat i Lezhes)
Kryetari i Bashkisë Vlorë Dritan Leli (rikonfirmohet)
Kryetari i Bashkisë Roskovec Majlinda Bufi (rikonfirmohet)
Prefekti i Qarkut Elbasan Gledian Llatja (kandidat i ri, zevendeson Qazim Sejdinin)
Si dhe Erion Veliaj per Tiranen (rikonfirmohet)
(E.K/FAXWEB.AL)
