Merr fund telenovela mes Neymar dhe Cavanit, braziliani i kërkon falje shokëve të skuadrës

Telenovela e sherrit Neymar-Cavani, që nisi në ndeshjen PSG-Lyon, duket se është në episodin e fundit.
Sipas “L’Equipe”, braziliani u ka kërkuar ndjesë të gjithë shokëve të skuadrës për atë që ndodhi në fushën e lojës, ku lojtarët diskutuan për goditjet e dënimit dhe 11-metërshin.

Gazeta franceze thotë se Thiago Silva, kapiteni i skuadrës, ka bërë rolin e përkthyesit përpara të gjithë skuadrës.

“L’Equipe” zbuloi gjithashtu se Neymar dhe Cavani kanë ngrënë darkë së bashku për të sqaruar situatën dhe kjo darkë ishte organizuar nga Dani Alves. 

(E.K/SHUPLAKA)