Ashtu si Gerard Pique i cili ka vendosur të relaksohet pas zhurmës mediatike me ish-in e tij dhe me lidhjen e tij të re, edhe këngëtarja kolumbiane Shakira ka vendosur të bëjë të njëjtën gjë.
Jo me një partner të ri, por është parë me dy djemtë e saj Milan, 10 vjeç dhe Sasha, 8 vjeç të shijojnë disa ditë pushimesh në brigjet e Miami Beach. Këngëtarja dukej e lumtur duke kaluar pak kohë cilësore me dy fëmijët e saj, të cilët i ka me ish-partnerin Gerard Pique.
Ajo ka pasur një sezon veror të ngarkuar me koncertet, madje Shakira do të bëjë histori me pjesëmarrjen e saj në “Video Music Awards 2023” që do të zhvillohet më 12 shtator.
Sakaq kohët e fundit ajo është përfolur për një romancë me Lewis Hamilton dhe sipas burimeve për një gazetë katalanase pohuan se dyshja po ecnin përpara me marrëdhënien e tyre.
Gjatë muajve të fundit, ajo dhe Hamilton, u panë në një jaht me miqtë si dhe takime në Grand Prix të Britanisë dhe në një klub nate së bashku.
Discussion about this post