Familja e të arrestuarit për vrasjen e Artan Cukut, Mikel Shallarit, prej tre muaj është zhvendosur për të jetuar në Tiranë.
Sipas policisë largimi i tyre nga ajo zonë është një masë paraprake e marrë nga vetë forcat e rendit, për mbrojtjen e tyre.
Po kështu ky veprim mund edhe të bind deri diku Mikel Shallarin që të bashkëpunojë me Drejtësinë.
Sipas “Panorama” deri në muajin tetor të vitit të kaluar, Mikel Shallari, me origjinë nga Skrapari, ka jetuar në fshatin Dikater të Kuçovës, nga ku u largua në kohën që motra e tij fitoi të drejtën e studimit në Tiranë.
Që nga ajo kohë, 24-vjeçari ishte zhvendosur për të jetuar në Qytetin Studenti bashkë me të motrën. Po kështu para tre muajsh, edhe prindërit e tij u larguan drejt Tiranës, pasi i ati i tij gjeti një punë si shofer në kryeqytet dhe u larguan nga fshati.
Por duhet të theksojmë që çdo fundjavë ata udhëtonin drejt fshatit Dikater, që ndodhet rreth 10 kilometra larg qytetit të Kuçovës, ku bashkë me prindërit punonin tokën dhe hardhitë rreth shtëpisë.
Mikel Shallari u arrestua mbrëmjen e së shtunës në Tiranë pasi është i dyshuari kryesor për vrasjen e Artan Cukut. (J.V/Shuplaka)
