Xhisiela Maloku e shoqëruar nga nëna motra dhe një shoqe ndodhen në këtë moment në ambjentet e komisariatit të policisë së Fushë-Krujës. Siç mësohet policia po i merr në pyetje në lidhje me hetimin që ka nisur prokuroria pas bërjes publike të letrës së ish oficerit të policisë, Emiljano Nuhu.
Siç zbulohet do të merren në pyetje të gjithë personat që përmenden në letër nga oficeri Emiljano Nuhu.
Prokuroria e Tiranës ka lajmëruar nisjen e hetimeve për oficerin Nuhu që ditën e djeshme dhe ka marrë në dosje materialin filmik dhe zanor të dëshmisë së oficerit Nuhu. Në dëshminë e tij oficeri, tashmë i larguar nga Shqipëria zbuloi se është kërcënuar me armë nga vëllai i deputetit të PS-së, Rrahman Rrahja në momentin e marrjes së kallëzimit të përdhunimit nga shtetasja Xhisiela Maloku.
Ndërkaq pritet që prokuroria të verifikojë edhe denoncimin e vajzës për djalin e deputetit të PS-së në komisariatin nr 3 dhe nga policia e Krujës.
(J.D/Faxweb.al)
Discussion about this post