Një i ri është marrë peng një ditë më parë në qytetin e Durrësit, një tjetër është vënë në pranga, ndërsa një tjetër është shpallur në kërkim.
Burime nga policia bëjnë me dije se kanë arrestuar një të ri nga Tirana dhe kanë shpallur në kërkim një shtetas nga Durrësi lidhje me këtë ngjarje.
Një ditë më parë, oficerët e krimeve në Komisariatin numër 3 në Tiranë kanë arrestuar 35-vjeçarin me inicialet A. U, ndërsa po punohet për kapjen e 34-vjeçarit me inicialet E. M., nga Durrësi.
Këta dy persona akuzohen se dy ditë më parë në Xhafzotaj të Durrësit kanë kërcënuar dhe më pas marrë me forcë duke i hequr lirinë 22-vjeçarit me inicialet K. K, banues në Durrës.
Nuk dihen shkaqet e kësaj ngjarje, por dyshohetpëpr një borxh. (A.R/SHUPLAKA)
