Ditën e sotme një pjesë e mirë e kryeqytetit do të vuajë mungesën e energjisë elektrike. Ka qenë vetë OSHEE-ja ajo që ka bërë njoftimin në faqen e saj.
“Në vijim të investimit për fuqizimin e N/Stacionit Traktora 110/20/6kV, proces i cili është drejt përfundimit, do të zhvillohen punimet e radhës, në prani edhe të ekspertëve të huaj, më 23 janar (e Martë), nga ora 09:00 deri në 14:00, gjatë të cilës do të stakohet energjia elektrike si masë sigurie e nevojshme.
Zonat që preken nga ky stakim janë:
Kodra e Metallve, Zona Farkë, rreth Qytetit Studenti, Shkozë (pjesërisht), Kodra e Kokonozëve, ish-Parku Komunal, pallatet pranë Oxhakut tek “Shkolla e Bashkuar”, Porcelani, Rruga “Pasho Hysi”, Kryegjyshata, Poligrafiku, Burgu 325, Zona Uzina e Traktorit, Arkivi, Shkozë 2, Instrumentali, Reparti 8802, Uzina Gjeologjike, Privat/ UPNA, subjekti “Sina 98”, pranë Depos se Ujit , pranë Sanatoriumit, Kodra e Priftit, furnizim dytësor për Maternitetin e Ri, furnizim dytësor për Antenat e Televizioneve në Dajt, Vilat Qeveritare në Dajt, furnizim dytësor Televizioni Neës 24, Garda dhe pjesërisht rruga “Todi Shkurti””, njofton OSHEE-ja.
(E.K/FAXWEB)
Discussion about this post