””ABC News” ishte një zë, i mbytur. Fakti që qeveria s’e suportonte dot tregon ku ka arritur degradimi”, kështu komenton Ergys Mërtiri.
”Shkarkimi i Shkullakut është një lajm shumë i keq për demokracinë shqiptare, jo për çfarë përfaqëson Shkullaku apo ABC Neës, por për çfarë po ndodh me shtypin shqiptar. ABC ishte e vetmja media opozitare ndaj qeverisë dhe rënia e saj do të thotë rrëzim i burimit të fundit të informimit që nuk i bën fresk këtij pushteti të degraduar.”, shkruan Mërtiri.
Mërtiri vazhdon më tek duke thënë se ”ABC News” ishte një zë që nuk ngrinte ndonjë peshë kushedi çfarë në opinionin publik, por fakti që dhe një zë i vetëm bëhet shqetësues tregon degradimin.
”Ç’është e vërteta ABC News nuk ishte një media e madhe dhe natyrisht nuk është se ngrinte ndonjë peshë kushedi çfarë, në opinionin publik. Gjithsesi, ishte një zë, ndonëse i mbytur nga kori i mediave të oborrit të Ramës. Fakti që qeveria nuk e suporton dot as edhe një zë të vetëm tregon se deri ku ka shkuar degradimi i pushtetit. Pra, që sot e tutje, nuk do të ketë më asnjë hapësirë mediatike në opozitë me qeverisjen. Nëse kjo nuk përbën një alarm, e kemi hak përsëri Enver Hoxhën.”, përfundon Mërtiri. (V.G/SHUPLAKA)
Discussion about this post