Merushe kapaj nga Radhima e Vlorës, kërkon lirimin e djalit Dead Kapaj dhe marrjen e masave nga policia pasi sipas saj, ndihet nën presion dhe e kërcënuar.
30-vjecari kapaj, eshte vënë në prangat e policisë, pasi ai së bashku me nënën dhe motrën ka shkuar ne komisariat për të denoncuar dhunën fizike, që bashkëfshatari i tyre Çim Limo ka ushtruar ndaj dy femrave të familjes. Dead Kapaj është mbajtur në arrest me akuzen e vjedhjes së një pushkë deti, edhe pse nuk ka pasur asnjë provë për implikimin e tij. ndërsa ngjarja është shënuar në fillim të muajit shkurt , Deadi mbahet ende në arrest, ndërsa përgjigja e prokurorit të çështjes Hyrjet Lamaj ështeë se po vijojnë hetimet.
Merushja shpjegon rrjedhën e ngjarjes, ndërsa thekson se djali i saj nuk ka kryer asnje vjedhje, dhe se për këtë ka edhe deshmitarë.
Me akuza të drejtpedrejta kundrejt policise dhe prokurorisë, ajo kërkon që të zbardhet ngjarja dhe që djali i saj të lihet i lirë.
“Më kane dhunuar fizikisht dhe verbalisht, më bëjnë presion të vazhdueshëm”, shton Merushe Kapaj ndërsa akuzon edhe policinë e Vlorës se po bashkëpunon me personin që familja Kapaj ka poblemet, pasi sipas saj edhe ai është punonjës i Pashalimanit.
Kapaj , thotë se shkak i gjithë kësaj janë pronat “ne kemi toka në Radhimë, duan të na i marrin, për këtë na bëjnë presion”- shton ajo.
“Por unë jam gati të lë çdo gjë, vetëm djalin të ma lënë të lire, vetëm atë kam, djali tjetër me ka vdekur në aksident, një djalë kam dhe atë po ma torturojnë… do iki nga ky vend, do i lë të gjitha dhe do iki, të më lënë rehat”, thotë ajo mes lotësh.
Intervista e plotë e Mirushe Kapaj për gazetaren e ‘Fax News’ Afrovita Hysaj
https://www.youtube.com/watch?v=ouEZTLJ1dE8&feature=youtu.be
