Mes autostradës Levan-Vlorë, mjeti merr flakë në ecje

Një mjet ka marrë flakë në ecje në autostradën Levan-Vlorë, pranë mbikalimit të “Kripës”. Ngjarja ka ndodhur rreth orës 12:00 të ditës së sotme.

Nga flakët është përfshirë mjeti tip “Audi” me targa AA305GF, në pronësi të shtetasit 61-vjeçar që ka shpëtuar pa u lënduar.

Detaje të Policisë së Vlorës:

Më datë 17.05.2017, rreth orës 12:00, në autostradën Levan-Vlorë, pranë mbikalimit të “Kripës”, në ecje e sipër ka marrë flakë automjeti tip “Audi” me targë AA 305 GF, në pronësi të shtetasit L.L., 61 vjeç, banues në Vlorë. Nuk ka persona të lënduar, por vetëm dëme materiale të mjetit. Nga hetimet paraprake dyshohet se zjarri ka rënë për shkaqe aksidentale dhe për këtë rast nuk fillon procedimi penal.

(XH.A/SHUPLAKA)