Miq, kolegë, familjarë, e shumë qytetarë mes lotëve e dhimbjes, i dhanë sot lamtumirën e fundit kantautorit të njohur shqiptar Françesk Radi, i cili humbi jetën ditën e djeshme në QSUT.
Për kantautorin u mbajtën homazhe në hollin e Radio Televizionit Shqiptarë për të nderuar kujtimin e tij dhe në shenjë mirënjohje për atë që ai la pas.
Gjatë përcjelljes për në banesën e fundit Fraçesk Radit, është shprehur edhe mes lotësh gruaja e tij Tefta Radi. “Dua thjesht të përshëndes, të falemderoj për respektin ndaj Frankos. Dua të them se unë u dashurova me Frankon atëherë kur të tjerët kishin frikë, t’i flisnin dhe prej tij u bëra kopje e tij. Mësova si të dashuroj si të punoj dhe si të kem dinjitet. Faleminderit të gjithëve”, u shpreh Tefta Radi.
Françesk Radi u nda nga jeta në moshën 67- vjeçare në Qendrën Spitalore “Nënë Tereza”, pasi qëndroi në gjendje kome prej një jave. Kantautori shqiptar pësoi një hemorragji cerebrale, e cila i mori dhe jetën. (J.V/Shuplaka)
Discussion about this post