Pas sherrit publik me trajnerin e Kombëtares Xhani De Biazi, Taulant Xhaka është rikthyer titullar te Bazeli. Mesfushori i skuadrës zviceriane, luajti 90 minuta n në fitoren 3-0 kundër St. Gallenit në transfertë.
Mirëpo pas ndeshjes, Xhaka duket se e ka thumbuar trajnerin e Kombëtares shqiptare nëpërmjet një postimi në “Facebook”.
“Një fitore që për mua do të thotë shumë. Dhashë si gjithmonë gjithçka në fushë për ekipin tim. Titulli kampion tashmë shumë më afër. Luaj që nga fillimi i sezonit 90 minuta, kam luajtur çdo ndeshje në Chamions Ligë dhe për këtë besim që më është dhënë falënderoj shumë trajnerin, tifozët e mrekullueshëm dhe ekipin tim FC Bazel. Kuqezi përjetë”, shkruan Xhaka.
Xhaka është larguar nga Kombëtarja pas dështimit të ndeshjes me Italinë, dhe nuk mori pjesë as në përballjen me Bosnjë-Hercegovinën. Sipas tij, arsyet e largimit kishin të bënin me trajnerin Xhani De Biazi. (D.D/Shuplaka)
Discussion about this post