Kryeministri Rama në fjalën e tij sot falenderoi të gjithë deputetët e partisë së tij që nuk do të jenë pjesë e listave për zgjedhjet e ardhshme. Falenderoi Doklen, Daden dhe Leskajn po nuk harroi që të komentonte dhe situatën e deputetëve të pakënaqur në PD.
Duke komentuar për qëndrimet e Topallit dhe Bregut Rama u shpreh se PD-ja i ka shpallur armike.
‘’Ata edhe dy gra që i kanë dalë kundër i kanë shpallur armike. Ne punojmë, ata akuzojnë, ne flasim, ata me libër shtëpi. Njësoj me ne nuk është askush. Sepse ne e kemi emrin Partia Socialiste e Shqipërisë. Përpara dhe vetëm përpara’’, u shpreh Rama.
Kujtojmë se dy deputetët demokrate nuk e kanë mbështetur radikalizimin e protestës së opozitës. Në mbledhjen e Grupit Parlamentar Bregu dhe Topalli janë shprehur që opozita duhet të futet në zgjedhje.
(E.K/SHUPLAKA)
