”Kam një pyetje për të gjithë ju. Kë grua socialiste ka hequr LSI-ja këtu në Berat?! Arta Daden?! Valentina Leskajn?! Kush i hoqi të gjitha ato gra për të çuar në parlament njerëz me probleme?!
Natyrisht kur njeriu pi doping kujton se është i fortë. Shteti nuk duhet t’i tregojë muskujt me fukarenjtë, por t’i tregojë me kriminelët. T’i tregojë me bosët e kanabisit, me bosët e drogës!
Tani Edi thotë ”Votoni për mua, por po nuk votuat për mua, votoni për Lulin por jo për të tjerët” dhe Luli thotë ”Votoni për mua, por po nuk votuat për mua, votoni për Edin”.
Atëherë populli ka një pyetje, kur ju të dy qenkeni bërë vëllezër dhe jeni njësoj pse të çojmë votat dëm ne?! Ne kemi një alternativë tjetër që është Lëvizja Socialiste për Integrim! , këto janë mezahet e forta të Ilir Metës për Edi Ramën, teksa në rrjetet sociale po qarkullon edhe kjo video, ku mes saj janë futur edhe disa imazhe të Edi Ramës.
”Ju e dini që të jesh timonier duhet të kesh disa aftësi të veçanta. Po duhet të dish të përdorësh dhe frenat. Edhe pse ai humbi shansin për të qenë një timonier i mirë ju prapë jeni parti që nuk lodheni së dhënuri shanse. Jepini shanse të jetë pasagjer në këtë autobus.
Timoni iku! Tani le të marrë një tepsi si timon dhe të jenë të kënaqur sidoqoftë edhe me kaq!
Ish-bashkëkryetari im zgjodhi vendin më të gabuar Beratin për të hapur luftë me Lëvizjen Socialiste për Integrim me inskenime nga më të shëmtuarat dhe me shpifje. Nuk ka patur gjunjë as Berisha i parë për të nënshtruar popullin e Beratit e jo më të kenë gjunjë këta të cilët nuk mbajnë dot as ekuilibrin e tyre e jo më të trembin Beratin, Kuçovën, Skraparin e Shqipërinë! Që Berati e Shqipëria ua ka treguar vendin me kohë! Është forca e rinisë që u ka futur tmerrin dy partive të oligarkisë!”, ka thënë nga Berati ditë më parë Meta.
Kanabisi, Rama në autobus, Rama duke i rënë dajres, fotot e Valentina Leskajt, Arta Dades dhe deputetët socialistë që i kapi dekriminalizimi shoqërojnë videon me mesazhet e forta të Metës. (V.G/SHUPLAKA)
https://www.youtube.com/watch?v=qCwlw5t0KqU&t=1s
