Ditën e djeshme padyshim që vëmendjen më të madhe gjatë vizitës së tij e mori ministri i Jashtëm gjerman, Sigmar Gabriel. Për mesazhet e tij të forta, një ”dush i ftohtë” ndaj opozitës ku i kërkonte rikthimin në Parlament dhe ku e tha hapur se nuk e kupton opozitën shqiptare në kërkesat që ka. Më pas Basha e ka pritur Gabriel në një takim kokë më kokë, së bashku me ambasadoren gjermane dhe deputetin Gerti Bogdani. ”Çmontova propagandën e Ramës”, qe pak a shumë çfarë rrëfeu Basha për mediet pas takimit.
Por ndyshe nga Gabriel, mesazhet e ministrit holandez Bert Koenders, ishin më të buta, të prirura drejt këshillës për kompromis dhe duke ruajtur kufirin me frazën se ”zgjedhjet janë çështje të brendshme”. Basha e priti Koenders në një takim me më shumë përfaqësues.
”Zgjedhjet janë çështje e brendshme dhe nuk dua të ndërhyj, po duhet të mbahen zgjdhje të lira e të ndershme.”, ka thënë Koenders gjatë konferencës së përbashkët me Ditmir Bushatin.
Sipas ministrit holandez: “Gadishmëria për kompromis nga të gjithë palët është e domosdoshme për zgjedhje te ndershme dhe gjithëpërfshirëse. Nga kjo varen shumë marrëdhëniet me Europën”. (V.G/SHUPLAKA)
[ngg_images source=”galleries” container_ids=”1619″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
