Në kuadër të 28 Nëntorit, Ditës së Pavarësisë, Kryetarja e Kuvendit, znj. Elisa Spiropali, ka ndarë një mesazh plot krenari dhe reflektim mbi trashëgiminë historike të Shqipërisë dhe aspiratën për një të ardhme europiane.
Duke nderuar figurën e Ismail Qemalit dhe simbolikën e Flamurit Kombëtar, ajo thekson lidhjen e thellë të shqiptarëve me rrënjët, identitetin dhe vlerat europiane, si dhe qëllimin për t’u bërë pjesë e Bashkimit Europian.
Mesazhi i Kryetares së Kuvendit, znj. Elisa Spiropali, me rastin e 28 Nëntorit, Ditës së Pavarësisë
“🇦🇱GËZUAR DITËN E FLAMURIT🦅
112 vjet pas nëntorit të lavdishëm të Atit Themelues të Shqipërisë së Pavarur, Plakut të Vlorës, Ismail Qemalit, që na bashkon, afron dhe frymëzon, drejt qëllimit tonë kombëtar: të çojmë flamurin e Kastriotit në BE dhe të bëhemi një yll i shtuar në flamurin e familjes së madhe të Europës, me të cilën na bashkojnë rrënjët, identiteti, historia, gjeografia, arti, kultura, vizioni, e tashmja, e ardhmja, dhe gjithçka.”
Discussion about this post