Mesazhi i fortë i Besjan Peshës për kundërshtarët e Bashës: ”Karma is a bi*ch”, shijojeni atë që gatuat!

Besjan Pesha ka një mesazh të fortë këtë të martë lidhur me zhvillimet e forta në Partinë Demokratike.

Tanimë që është konfiguruar qartë grupi anti-Basha, Pesha kujton se çfarë ka ndodhur natën e 21 prillit të vitit 2008. ”Situatën në PD dhe në çdo parti tjetër nuk e kanë prodhuar individët por nata e 21 prillit të vitit 2008. Shijojeni atë që gatuat!”, thekson Pesha, duke sqaruar se nëse Topalli, Patozi, Imami, Ruli etj nuk do kishin votuar me zell ndryshimet kushtetuese, nuk do gjendeshin në këtë sitautë.

”Nëse Jozefina, Patozi, Imami, Ruli etj në vitin 2008 nuk do të kishin votuar me zell ndryshimet kushtetuese të cilat i shpallën partitë monarki dhe kryetarët mbretër të tyre duke ju lënë, atyre dhe jo popullit, në dorë përzgjedhjen e grupeve parlamentare, ndoshta sot nuk do të gjendeshin në këtë situatë. Por duke qenë se “Karma is a bi*ch” ja ku janë. Situatën në PD dhe në çdo parti tjetër nuk e kanë prodhuar individët por nata e 21 prillit të vitit 2008. Shijojeni atë që gatuat!”, shkruan Pesha.

Për garën e kreut të PD-së, as Topalli e as Patozi nuk janë regjistruar si kandidatë, duke qenë se kërkojnë analizën, dorëheqjen e Bashës dhe shtyrjen e zgjedhjeve që janë caktuar në 22 korrik.

Ditën e djeshme kërkesa e grupit anti-Basha në Kryesi u hodh poshtë me 20 vota abstenim, 14 kundër dhe 11 pro. Tashmë në garë është Lulzim Basha dhe Eduard Selami.(V.G/SHUPLAKA)