MESAZHI i Hahn për shqiptarët: Çfarë duhet për t’u bërë anëtar i BE-së

Ditën e sotme u zhvillua aktiviteti për mbylljen e shkollës verore europiane të këshillit të integrimit në BE. Pas këtij aktiviteti, edhe pse nuk ishte i pranishëm, eurokomisioneri Johannes Hahn ka përcjellë një mesazh të rëndësishëm për të gjithë shqiptarët, lidhur me integrimin e Shqipërisë në BE.

Në mesazhin e tij, Hahn shprehet se të bëhesh anëtar i BE-së është zgjedhje politike dhe sociale, mirëpo për këtë duhet shumë punë. Ai bëri thirrje që të ketë një qeveri sa më të përgjegjshme, për ta sjellë Shqipërinë sa më pranë standarteve europiane.

LETRA E HAHN
Te dashur miq,
Ketu nga Brukseli do doja t’ju përshëndesja dhe t’ju uroja per një javë të suksesshme shkollës verore europiane të këshillit të integrimit në BE. Të bëhesh anëtar i Bashkimit Europian është një zgjedhje fondamentale politike dhe sociale. Është një çështje identiteti, si dëshironi modelin në jetën dhe shoqëria tuaj, Zgjedhja për tu bërë anëtar i Bashkimit Europian është ajo që ju shqiptarët e keni patur për dekada.

Sidoqoftë, kthimi i aspiratave politike në ndryshime konkrete dhe në cilësi të përmirësuar jetese, paqe, dinjitet, dhe prosperitet është gjithmonë shumë komplekse dhe kërkuese. Kjo arrihet përmes punës së palodhur, reforma të vazhdueshme si dhe dialog ndërmjet të gjitha palëve të shoqërisë.

Kjo është detyra juaj. Përgatitja për të luajtur një rol të rëndësishëm në procesin e anëtarësimit. Duhet të gjeni zgjidhje, duhet të sigurinë përgjegjshmërinë e qeverisjes, jo vetëm për të sjellë Shqipërinë më afër ndaj standarteve europiane por ta bëni BE një realitet për cdo qytetar në vendin tuaj.

Vendosmëria dhe ekpertiza juaj do të jetë shumë e nevojshme pas një viti intensive reformash dhe zgjedhjesh. Ju do keni një qeveri të re dhe parlament të ri dhe në ditët në vijim. Presim me padurim për këtë dhe mundësitë para nesh.

Faleminderit që aplikuat dhe morët pjesë në shkollën verore europiane dhe urime Këshillit për punën e tyre të çmuar dhe angazhimin e tyre. Ju keni një shans unik për të qënë pjesë e ndryshimit transormues në vendin tuaj. (D.D/Shuplaka)