Mesazhi i koduar i Bashës për Ramën: Mund të më soset durimi dhe lulja të këputet

Ka qenë një fjalim me tone mjaft të lartë ky i sotmi i Kreut të Opozitës Lulzim Basha në protestën në çadër.

Sot në takimin me biznesmenët Basha i bëri disa herë thirrje Ramës që t’i vërë gishtin kokës dhe të tërhiqet në mënyrë që vendi të shkojë në zgjedhje të lira e të ndershme.

Po ashtu në mënyrë të koduar ai i bëri thirrje Ramës që të jetë i kujdesshëm me etiketimet e tij përt opozitën.

‘’Falju zotit përditë e përnatë që më kë mua përballë. Vëri gishtin kokës kur ofendon opozitën, sepse mund të më soset dhe mua durimi dhe një ditë të mos ju kërkoj që të këpusin asnjë lule.

Mua kështu më ke derisa të arrijmë standardin europian të zgjdhjeve. Do t’i japim fund komplotit politik dhe ekonomik të shqiptarëve.’’, deklaroi Basha.

Në këtë mënyrë ai i bën të qartë Ramës që mos të përdorë qytetarinë e mbajtjes së protestës nga ana e ooozitës. (E.K/SHUPLAKA)