Lionel Mesi te Barcelonas padyshim që ka vendosur rekorde që do të jetë e vështirë të thyhen. Dopieta e tij në fitoren e fundit 4-2 ndaj Valencias, të dielën e kaluar, do të thotë se argjentinasi ka arritur tashmë rekordin e pabesueshëm të dygolëshave në 100 lojëra të ndryshme për Barcelonën.
Dhe, sigurisht, ai ka shënuar edhe tre ose më shumë në një ndeshje, moment nga të cilat ka pasur mjaft! Një tjetër rekord domethënës është “tavani” deri në 41 gola sezonal i tij në ndeshjet konkurruese. Messi ka grumbulluar mbi 40 gola, në çdo sezon, nga 2009-2010.
Asnjë lojtar tjetër në La Liga nuk mund të krahasohet me këtë standart. Dhe mos harroni se jemi duke folur për njeriun, me të dhënat e përgjithshme, 73 gola zyrtarë në një sezon (2011-2012). 25 “rrjetat” e tij në këtë sezon kanë ardhur në La Liga, duke e bërë atë për të nëntin sezon, që shënon të paktën 20 gola në kampionatin vendas.
Aktualisht, Messi është golashënuesi më i mirë në Spanjë, duke u ndjekur nga bashkëlojtari Luis Suarez (21 gola). Leo është edhe krye të listës edhe për “Këpucën e Artë” të Europës, me 50 pikë, i ndjekur nga afër prej Bas Dost të Sporting Lisbonës (24 gola – 48 pikë).
Discussion about this post