Lojtarët e Barcelonës të cilët janë të ftuar për të marrë pjesë në ceremoninë e sotme të “Topit të Artë” që zhvillohet në Zyrih të Zvicrës nga FIFA, nuk do të jenë të pranishëm.
Përmes një njoftimi zyrtar që ka bërë klubi ktalanas, thuhet se Mesi, Nejmar, suarez dhe lojtarët e tjerë nuk do të marrin pjesë në eventin e vitit që organizon FIFA si rrjedhojë e përgatitjes për ndeshjen e ardhshme ndaj Atletiko Bilbaos.
“Prioriteti kryesor i jonë është ndeshja kundër Athletic Bilbaos të mërkurën dhe për këtë nuk do të marrim pjesë në ceremoninë e FIFA-s për lojtarin më të mirë të vitit. Barcelona dëshiron të falënderojë presidentin e FIFA-s Gianni Infantino, por më të rëndësishme konsiderojmë ndeshjen kundër Athletic Bilbaos dhe lojtarët duhet të pushojnë”,- shkruan klubi blaugran në profilin zyrtar në “Twitter”.
Sulmuesi argjentinas, së bashku me francezin e Atletiko Madridit, Antoine Griezmann dhe favoritin dhe fituesin aktual të “Topit të Artë”, Kristiano Ronaldon janë në garë për trofeun “Topi i Artë”.
Discussion about this post