Mesila Doda, ish-deputete e partisë demokratike, ka një apel për disa nga kolegët e saj në PD. Në lidhje me bllokimin e seancës ajo thotë se Gramoz Ruçi është vendosur në krye të Kuvendit për t’iu vënë drurin opozitës.
“Nuk është çështje procedure, jo. Është çështje thellësisht politike. E kanë vënë atje që t’ju vërë drunë, sepse nuk keni qenë kurrë më pak e më të pambrojtur. Fantazmat e së kaluarës kapin për flokësh demokracinë….”, shkruan Doda.
Ç’NDODHI SOT NË KUVEND:
kuvendi është ndërprerë sërish ditën e sotme, ndërsa situata duket si një fotokopje e javës së parë. Ndërsa javën e shkuar deputeti i përjashtuar ka qenë vetë kreu i PD-së Basha këtë herë përjashtimin e ka pësuar Flamur Noka.
Po a ka qenë Rama ai që ka shkaktuar edhe rebelimin e opozitës?! Demokratët thonë që reagimi i Nokës me tone të larta ka ardhur për shkak se Rama pa mikrofon i është drejtuar ish-kryeministrit Berisha me fjalët i rrjedhur.
‘’’Procedura është e drejta më bazike në të gjitha parlamentet e botës, e drejta e procedurës është një e drejtë që nuk mund të shkelet kurrë, e shkel vetëm një njeri që do të shkatërrojë Parlamentin.
Nuk ka ndodhur kurrë. Nuk kanë asnjë rëndësi të tjerat, si ta thotë mendja që mund të më ofendojnë mua ato që thotë Edi Rama, Edvin Shullazi. Problemi më themelorë është se në çdo sallë kurrë nuk mohohet”, u shpreh Berisha në dalje të Kuvendit.
(E.K/SHUPLAKA)
Discussion about this post