Ish-zëvendës ministrja e Jashtme, Edith Harxhi mendon se protesta e opozitës mund të shihet edhe si një lëvizje kundër establishmentit. Këtë deklaratë Harxhi e ka bërë në studion e Tonight Ilva Tare.
Nga ana tjetër, deputetja e PDIU-së, Mesila Doda e cila gjithashtu ishte e pranishme tha se është e pakuptimtë që të konsiderohet kështu një lëvizje e tillë.
DEBATI:
Harxhi: Mund të shihet edhe si një lloj lëvizje anti-establishmentit.
Doda: Kundër establishmentit kur kanë qenë gjithë jetën pushtetar. Kanë qenë ministër, kryetar bashkie. Mos të themi gjëra më të mëdha se ç’mban kjo histori.
Harxhi: Të kesh 50 mijë vetë, 70-100 mijë vetë në shesh nuk do të thotë se të gjithë janë të gjithë anëtarë të Partisë Demokratike.
Doda: Absolutisht! Ta thashë vetë që në fillim se ka protestë qytetare.
Harxhi: Mund ta jetë pse mund ta mohoni.
Doda: Nga njerëz të vjetër nuk lindin kurrë politika të reja. Edhe ne jemi. Nuk kemi bërë lëvizje anti-establishmentit. Të jemi të vërtetë. Nuk mund të ndodhë. Opozita duhet t’i përgjigjet protestës qytetare. Kërkon garancitë e veta dhe kjo është shumë e drejtë.
Harxhi: Pse nuk mund të jetë kjo një lëvizje kundër establishmentit? Më thoni një vend tjetër të Evropës Lindore përfshirë edhe Gjermaninë që ka sjellë fëmijët e Hitlerit i ka sjellë në pushtet.
Doda: Nuk i ke vetëm në një parti, i ke në të dyja partitë. Nuk dua të flas kundër Partisë Demokratike. Kam qenë në Partinë Demokratike dhe mbetem demokrate deri në fund. Të lutem mos thuaj gjëra që cedojnë në të vërteta.
(M.D/ Shuplaka)
Discussion about this post